18 / 116
Produk-inligting
Oktober 2017
16
Herfokus op besproeiing en
eie vervaardigde produkte
A
grico is ‘n naam waarmee die meeste produsente bekend
is. Na meer as ‘n eeu se sukses in die landboumasjinerie-
en besproeiingsbedryf, het die firma verlede jaar besluit
om voortaan op sy eie vervaardigde produkte en water-
verwante besigheid te konsentreer. In die proses is die landbou-
masjinerie-afdeling (insluitende verskeie agentskappe) aan ander
handelaars verkoop.
Die nuwe fokusareas is só gekies dat Agrico ‘n homogene besigheid
word wat al sy produkte deur al sy takke kan bemark en ook
hierdie produkmandjie na nuwe markte kan neem. Daar is daarom
uitstekende geleenthede vir groei – danksy die nuwe fokus.
Tans bedryf die firma 28 van sy eie takke in Suider-Afrika. Christiana,
Lusaka, Mkushi en Wellington is gedurende die afgelope jaar by-
gevoeg om groeigeleenthede te benut.
Met meer as 100 jaar se diens aan die landbou, is Agrico tans een
van die mees ervare voorsieners van alle soorte besproeiing. Die
firma voorsien sedert die vroeë 1900’s pype, pompe en enjins aan
boerderye, sportvelde en tuine. Tegniese advies is ‘n deel van
die diens wat gelewer word.
Ons poog altyd om ‘n balans te handhaaf tussen eie vervaardiging,
invoere en plaaslike aankope. Die firma het fabrieke in Bellville, op
Lichtenburg en Nigel.
Produkte
Verskeie robuuste en betroubare implemente word in die fabrieke
vervaardig, insluitende trekkers, spuite, beitelploeë, skottelêe,
skroppe, skrapers, skeurploeë en wentelsnyers.
Wat besproeiing betref, vervaardig die firma self spilpunte, PVC-,
poliëtileen- en staalpype, filterstelsels, pompstelle en kleppe. Ander
komponente vir besproeiingstelsels word direk by vervaardigers
oorsee en plaaslik gekoop. Dit sluit mikro-, drip-, sprinkel-, en
turfbesproeiing, beheer-, lugkleppe, sentrifugale-, boorgat- en
sonpompe, elektriese motore, wisselspoedreëlaars (VSD’s) en filters
in. Al die komponente van ‘n besproeiingstelsel word derhalwe
kompeterend aan klante gebied.
Agrico verskaf egter nie net komponente nie. Die firma voldoen
volledig aan die behoeftes van die besproeiingsprodusent: Van
opmeet, ontwerp, vergelyk van verskillende oplossings, lewering,
konstruksie, indiensstelling tot naverkoopdiens – alles onder
een dak.
Die knellende droogtes van die afgelope paar jaar het maar net
weer bewys dat besproeiing ‘n noodsaaklike, lewegewende sektor
van die landboubedryf is. Water is ‘n skaars hulpbron regdeur die
wêreld. Daarom is dit belangrik dat besproeiingsbesighede die
gepaste tegnologie om water so effektief as moontlik te benut
en sodoende opbrengste te maksimaliseer, aanbied. Of dit nou
drupbesproeiing vir wyndruiwe, mikrobesproeiing vir vrugte- of
neutbome of spilpuntbesproeiing vir graan of groente is, Agrico bied
kwaliteitstelsels met die korrekte advies.
Ander skaars hulpbronne soos energie en mannekrag moet ook
deesdae versigtig bestuur word om winsgewend te kan produseer.
Daarom bied die firma geoptimaliseerde stelsels wat energie-
effektief is. Die stelsels kan voorts geoutomatiseer wees om
meer betroubaar en ekonomies te wees. Spilpunte en pompe kan
byvoorbeeld deesdae maklik en presies via die internet, met behulp
van Agrico se Webbeheer, beheer word.
FOKUS
Besproeiing
Spesiale
ALFRED ANDRAG,
hoof operasionele bestuurder, Agrico
1: Agrico voldoen volledig aan die besproeiingsbehoeftes van die be-
sproeiingsprodusent: Van opmeet, ontwerp, vergelyk van verskillende
oplossings, lewering, konstruksie, indiensstelling tot naverkoopdiens.
2: ‘n Agrico 4+250-trekker met Agrico LT1000-skeurploeg.
3: ‘n Agrico outomatiese spoelklep.
1
3
2