![Show Menu](styles/mobile-menu.png)
![Page Background](./../common/page-substrates/page0084.jpg)
Jan Taks se probleme met
uitbetalings word aangespreek
D
ie dieselrabat-tameletjie wat die
afgelope paar jaar voortgesleep
het en gelei het tot agterstallige
uitbetalings van dieselrabat- en
BTW-eise aan produsente vorder goed,
maar bly maar sukkel.
SA Graan/Grain
het
met mnr Corné Louw (senior ekonoom:
Graan SA) gesels om uit te vind wat die
situasie tans is.
Wat was die probleem met die uitbetaling
van dieselrabat-eise vanaf die Suid-
Afrikaanse Inkomstediens (SAID) aan
produsente?
Die afgelope jaar of twee het lede van
Graan SA gekla dat hul dieselkorting en
BTW-uitbetalings wat deur SAID hanteer
word, nie gedoen word nie. Sommige
lede se uitbetalings is sedert einde 2014
uitstaande.
Dit plaas geweldige druk op produsente
se kontantvloei – veral in die heersende
droogte. Die grootste probleem het voor-
gekom in die Noordwes Provinsie, waar
ons op ‘n stadium ‘n lys van oor die
100 produsente gehad het wat al ‘n ge-
ruime tyd vir hul uitbetalings gewag het.
By sommige produsente het oudits maan-
de geduur om gefinaliseer te word, terwyl
daar by ander geen rede was waarom die
rabatte en BTW nie uitbetaal is nie.
Is die probleem intussen opgelos en
hoe het Graan SA sy lede in die proses
bygestaan?
Graan SA het na ‘n ooreenkoms met
SAID ‘n lys bygehou van produsente wie
se uitbetalings nie gedoen is nie. Op ‘n
weeklikse basis is die opgedateerde lys aan
hul hoofkantoor deurgestuur vir verdere
hantering.
Aan die begin was die vordering stadig
as gevolg van die groot agterstand wat
daar was. Graan SA het weer met senior
amptenare van SAID hieroor vergader.
Hul verduideliking vir die oponthoud was:
Sleutelpersoneel wat in hierdie tydperk
met verlof was;
100%
versus
80% van dieselverbruik
wat deur produsente geëis is;
nat en droë basis-kontrakwerk wat
verkeerd geïnterpreteer is; en
diverse “gemengde” industrieë – waar
byvoorbeeld geboer en gemyn word.
Senior amptenare het aan Graan SA die
bevestiging gegee dat hierdie probleme
en agterstande prioriteit aandag en kapasi-
teit geniet. Alhoewel daar steeds sake uit-
staande is, is die terugvoer wat ons kry dat
dit al beter gaan.
Was die probleem slegs beperk tot die
Noordwes Provinsie?
Meer as 90% van die probleme wat by
ons aangemeld is, het uit die Noordwes
Provinsie gekom.
Watter ondersteunende dokumentasie
moet ‘n produsent saam met ‘n eis indien
om te verseker dat dit vinnig afgehandel
word?
Na lang konsultasie en kommentaar oor hoe
‘n praktiese uitvoerbare logboek moet lyk,
word daar nou op die finale formaat van
SAID se voorgestelde logboek gewag. Tot
dan gaan daar maar nog steeds onsekerheid
hieroor bestaan.
Graan SA beveel aan dat produsente op
hierdie stadium ten minste die volgende
inligting moet byhou en volledig boek moet
hou van dieselverbruik op die plaas (vanaf
die hoofverspreidingspunte):
Datum wat diesel ingegooi is;
hoeveelheid diesel ingegooi;
beskrywing van die voertuig; en
waarvoor die diesel aangewend is.
OP PLAASVLAK
Dieselrabat / Logboeke / Uitbetaling
Brandstof
Cut losses with
PRECISION
Plant with
VISION
Process Monitor
for Air Seeders
Area
Speed
Tacho up to 4 axles
Alarm on each function
Easy to install
Bin / Tank full
Bin / Tank empty
Proudly Made
in South Africa
Tel: 012 345 3193
Fax: 012 345 6763
Web:
www.electrolee.co.zaEmail:
info@electrolee.co.zaSales:
sales@electrolee.co.zaPlanter Monitor
Seed per 100m per row, seed population
Hectares worked and much more
Easy to install and maintain
Fertiliser and turning of axles
Can be applied to most planters
Real tough, rust and water resistant
ESTIE DE VILLIERS,
redakteur:
SA Graan/Grain
Vir meer inligting oor die
hantering van dieselkorting,
skandeer dié QR-kode
Volgens Corné Louw vorder die SAID
deesdae flinker met die uitbetaling van
dieselrabat-eise