3 / 92
1
May 2015
MEDEWERKERS
vir hierdie uitgawe
Pietman Botha, Abrie Coetzee, Jannie de Villiers, Annemie Erasmus, Bradley Flett, Wynand Heunis, Francois Human, Ernst Janovsky, Belinda Janse van Rensburg, Koos Kirsten,
Louise Kunz, Pierre Laubscher, Corné Louw, Antoinette Malan, Jane McPherson, Salome Modiselle, Gert Nel, Hestia Nienaber, Nancy Ntidi, PJ Pieterse, Mariana Purnell,
Moses Ramusi, Hesna Rheeder, Ruth Schultz, Wandile Sihlobo, Gerrie Smit, Hendrik Smith, Sonia Steenkamp, Johann Strauss, Liana Stroebel, Johann van Zyl,
Aart-Jan Verschoor, Hennie Viljoen, Willem Voogt, Barend Wentzel en Toit Wessels
e
k dink nou die dag weer aan ‘n wyksbyeenkoms as kind waar die
een tannie vertel het van iemand wat hulle geken het wat onder
of agter alles in haar huis plakkers met name op aangebring het
van wie, wat moes erf – en hoe sy en haar boetie as kinders die
name stilletjies omgeruil het!
Testamente en boedelbeplanning is iets waaroor ‘n mens nie eintlik wil
praat of aan dink nie...Daar is mos nog baie tyd. ’n Mens wil nie aan jou
eie sterflikheid dink nie. Ek het onlangs met die skielike afsterwe van my
pa net weer besef hoe belangrik dit is. ‘n Mens het dikwels ‘n testament,
maar jy het dit jare laas hersien. Of as iemand skielik sterf, weet dié
wat agterbly nie altyd wat met die papierwerk aangaan en waarheen
nou nie. My man hanteer ons finansiële sake. As hy môre sou sterf,
gaan ek nie herwaarts of derwaarts weet nie. En ek praat nie nou van die
emosionele kant van die saak nie. Ek praat van die harde realiteit. Waar
begin ‘n mens? Ek gaan nie weet wie, wat of hoeveel maandeliks betaal
moet word nie. Wat moet nou gedoen/gereël/betaal word...?!
Dié uitgawe van
SA Graan/Grain
bevat ‘n spesiale fokus op geldsake en
finansiële dienste. Toe ek die artikel “Boedelbelastingbeplanning deur
die gebruik van verskillende ondernemingsvorme” op bladsy 20 die eer-
ste keer gelees het, het my keel sommer toegetrek, want ‘n mens besef
jy is nie voldoende ingelig oor sake soos boedelbelasting nie. Vir ons
leke is dit Grieks, maar Hesna Rheeder van PricewaterhouseCoopers
en Gert Nel (konsultant) verduidelik sorgvuldig hoekom boedelbeplan-
ning ‘n belangrike oorweging is vir die besparing van belasting en dat
die oogmerk daarvan moet wees om die potensiële belastingaanspreek-
likheid van die erflater en erfgename so laag moontlik te hou. Hierdie
aspek is belangrik, want dit raak veral die volhoubaarheid van ‘n boer-
dery direk. Volgens hulle moet daar egter ook nie van ander faktore in
die boedelplan vergeet word nie, byvoorbeeld die praktiese uitvoer-
baarheid, regsaanspreeklikheid, saamboerdery, erfopvolging, familiebe-
trekkinge en versekering.
‘n Ander artikel wat ‘n rilling teen my ruggraat afgestuur het, is
“Kapitaalwinsbelasting – ‘n realiteit”. Op bladsy 24 bespreek Hesna
en Gert watter bates onderworpe is aan kapitaalwinsbelasting en wie
dit moet betaal; hoe kapitaalwinsbelasting bereken word; wat bedoel
word met die “basiskoste” van ‘n bate en watter bates vrygestel is van
kapitaalwinsbelasting. ‘n Produsent is nie noodwendig ‘n kenner op al
die gebiede nie en daarom behoort boedelbeplanning in samewerking
met regsgeleerdes, landboukundiges, rekenmeesters en finansiële be-
planners gedoen te word.
Op bladsy 18 maan Johann van Zyl (finansiële joernalis en
SA Graan/
Grain
medewerker) lesers om ingeligte beleggingsbesluite te neem
en hy verskaf selfs ‘n paar beleggingswenke. Ek en my man het reeds
‘n afspraak met ons makelaar gemaak om die testament na te gaan en
ons aftreebeplanning te hersien. Hulle sê mos nie verniet “van uitstel
kom afstel” nie en wie van ons weet wanneer jou strepie getrek is?
Groetnis tot volgende keer.
ESTIE DE VILLIERS,
redakteur
VOORPUNT
Ontmoet ons
medewerkers...
t
oit Wessels (ledebemarking-
en kommunikasiebeampte,
Graan SA) is gebore op
Heidelberg (Kaap) en het daar
grootgeword en skoolgegaan.
Ná sy militêre opleiding doen
hy ‘n BAgri Admin-kursus by
Maties. Hy begin saam met sy
pa en broer in die Heidelberg-
omgewing boer en was baie betrokke in die aktiewe
landbou. Ná ‘n grondeis, verkoop hy die oorblywende stuk
grond, maak ‘n draai by BKB en daarna by Unigrain en MKB
as graanbemarker.
“Ek het toe die geleentheid byGraan SAgekry om ‘n nuwe kantoor
in die Paarl te open, waar ek eers alleen was en die opkomende
landbou sowel as die kommersiële produsente bedien het. Die
werk het eenvoudig so toegeneem dat ek ‘n jaar later vir Liana
Stroebel ingekry het om die ontwikkelende landbou gedeelte te
hanteer, sodat ek meer op die kommersiële gedeelte kan fokus,”
vertel hy. Hy is getroud met sy skoolliefde, Marlene, en hulle
het drie seuns en twee kleinseuns. Lees op bladsy 12 meer oor
die Wes-Kaap-lede se algemene jaarvergadering.
K
apitaalwinsbelasting is sedert 1 Oktober 2001
‘n realiteit in Suid-Afrika en word bereken
volgens die bepalings van die Agtste Bylae van die
Inkomstebelastingwet. Die belasbare kapitaalwins,
soos bereken deur die toepassing van hierdie
wetgewing, word by die belasbare inkomste van
‘n belastingpligtige gevoeg ten einde sy/haar
totale jaarlikse inkomstebelastingaanspreeklikheid
vas te stel. Volgens
HESNA RHEEDER
(Price-
waterhouseCoopers) en
GERT NEL
(konsultant) is
kapitaalwinsbelasting en die toepassing daarvan
nie so eenvoudig soos dit klink nie. Gee vroegtydig
aandag aan dié aspek om sodoende behoorlik
daarop voorbereid te wees en ook om die betaling
daarvan te beperk, of voorsiening te maak vir
enige kontantvloeiprobleme. Lees meer hieroor op
bladsy 24
van hierdie uitgawe.
P
IETMAN BOTHA
,
SA Graan/Grain
mede-
werker, het vir hierdie uitgawe gaan inloer by
Richard Hobson – bestuurder van die Nonen Ranch
Boerdery wat deel vorm van die Botselo-groep.
Die Botselo-groep is ‘n familiebesigheid wat al
geslagte lank besigheid doen en is verlede jaar as
die Graan SA/Syngenta Graanprodusent van die
Jaar-wenner aangewys. Lees op
bladsy 36
waarom hulle glo dat om waarde toe te voeg,
tot hul voordeel is.
M
ikotoksiene (toksiene wat deur swamme
geproduseer word) is van ekonomiese belang
in koring, mielies, grondbone en ander neute asook
koffie en wyn. Volgens die Food and Agriculture
Organisation (FAO) word 25% van die wêreld se
oeste jaarliks met mikotoksiene besmet. In die
artikel op
bladsy 56
kyk
BELINDA JANSE VAN
RENSBURG
(LNR-Instituut vir Graangewasse) na
ekonomiese verliese as gevolg van plantsiektes, ‘n
verlaging in graankwaliteit, mikotoksienbesmetting
asook die newe-effekte daarvan in mens en dier.