21 / 44
CORNÉ LOUW,
senior ekonoom, Graan SA
INSET
-oorsig
Hoe bekostigbaar is kunsmis tans?
A
fhangende van die gewas, kan
kunsmis tussen 30% en 50% van
‘n graan- en oliesadeprodusent
se lopende produksiekoste vorm.
Omdat kunsmis so ‘n groot deel van ‘n
produsent se koste uitmaak, kan die prys
daarvan bepalend wees vir die winsge-
wendheid van die gewas.
Anders gesien, kan die verhouding tussen
die prys van kunsmis en die markprys
van grane ook ‘n aanwyser wees van die
“bekostigbaarheid” van kunsmis. Byvoor-
beeld: Sou die mielieprys styg en kuns-
mispryse sywaarts beweeg, sal kunsmis
meer bekostigbaar wees. Of: Sou kuns-
mispryse styg en mieliepryse konstant bly,
sal kunsmis minder bekostigbaar wees.
Deur hierdie verhouding te bestudeer,
het Graan SA ‘n bekostigbaarheidsindeks
ontwikkel, waardeur op ‘n maklike manier
afgelei kan word hoe bekostigbaar kunsmis,
vergeleke met die verlede, is.
Die bekostigbaarheidsindeks is basies
die verhouding in die prys van ureum
teenoor die mielieprys op ‘n gegewe tyd-
stip. Uit
Grafiek 1
kan gesien word dat
kunsmis minder bekostigbaar is as in die
2007/2008-produksieseisoen, terwyl dit
slegs in 2016/2017 meer bekostigbaar as in
die basisjaar van 2007/2008 was.
Op ‘n ander manier uitgedruk:
Grafiek 2
toon hoeveel ton mielies oor tyd benodig is
om ‘n ton ureum aan te koop. Die tendens
strook goed met wat in Grafiek 1 geïllu-
streer is.
‘n Feit wat die langertermyngrafiek onder-
streep is dat die verhouding tussen kuns-
mispryse en mieliepryse oor tyd verswak.
Die voorlopige ruilvoet vir die nuwe seisoen
is 3,2 ton mielies vir ‘n ton kunsmis, terwyl
die gemiddeld vir die afgelope 27 jaar
2,6 ton mielies is.
Dit bevestig dat die winsgewendheid van
graanproduksie tans onder enorme druk
verkeer.
OP PLAASVLAK
Grafiek 1: Bekostigbaarheidsindeks van kunsmis.
*Voorlopig
Grafiek 2: Hoeveelheid mielies benodig om 1 ton ureum te koop.
*Voorlopig
19
January 2018