40 / 44
Ford Everest: Die nuwe maatstaf
in die SNV-mark
i
n September verlede jaar het Ford SA hulle nuwe Everest
bekendgestel. Die nuwe Ford Everest is volkome nuut en is nie
net bloot ’n kosmetiese verbetering van die vorige generasie
Everest, wat in 2009 in Suid-Afrika vrygestel is, nie.
Destyds het
SA Graan/Grain
berig dat die Ford Everest “die
arm man se Range Rover” is. Met die nuwe Everest het die spelreëls
verander. Waar die Everest eers ‘n baie praktiese en goed toegeruste
sportiewe nutsvoertuig (SNV) teen ‘n aantreklike prys was, is die
nuwe Everest soos hy nóú is, die nuwe maatstaf vir geharde SNV’s.
Met ‘n grondvryhoogte van 225 mm en die vermoë om deur
800 mm diep water te gaan, sien die Everest vir enige rowwe terrein
kans. Danksy ‘n oppervlakte-beheerstelsel met vier verstellings,
naamlik “normaal“, “gras/gruis“, “sand“ en “klippe“ kan die bestuur-
der basies net die voertuig stuur terwyl die stelsel die spoed, ratver-
houding, die vierwielaandrywing en traksie beheer: Hoë tegnologie
gekombineer met gehardheid.
Op die oomblik is daar net twee Everest-modelle vir die Suid-
Afrikaanse mark beskikbaar. Die “XLT“ en die “Limited“. Beide mo-
delle is besonder goed toegerus met hoë tegnologie hulpmiddels
soos elektroniese stabiliteitsprogram (ESP), spoedkontrole en
‘n kamera vir agteruit-ry. Hulle is ook albei 4x4-aangedrewe met
3,2 liter, vyfsilinderdieselenjins wat kraglewering van 147 kW teen
3 000 omwentelinge lewer en maksimum wringkrag van 470 Nm,
wat reeds tussen 1 750 Nm en 2 500 Nm bereik word.
Hierdie enjin word gekenmerk deur ‘n sesspoed outomatiese ratkas,
wat ‘n sportiewe keuse vir vinnige ratoorskakeling bied, asook ‘n
keuse om dit as ‘n handrat te gebruik. Laasgenoemde is veral nuttig
vir sleepwerk. Die Limited is die vlagskip en spog onder andere met
‘n derde ry sitplekke en nog meer tegnologie soos parkeerhulp,
wat basies beteken dat die Everest Limited outomaties kan parkeer
sonder die hulp van die bestuurder.
Die Everest is nie meer die arm man se Range Rover nie. Dit is ‘n
kwaliteit, geharde SNV. Alhoewel besonder luuks en weelderig
binne, is dit ‘n geharde SNV wat vir enige terrein kans sien.
Volgens Ford SA sien hulle nie meer die Toyota Fortuner as hul
kompeteerder nie, maar mik hulle nou eerder hoër en het die
Land Cruiser Prado in hul visier.
Die XLT kos R593 900 en die Limited R646 900. Omdat die Everest
nou meeding met die duurder SNV‘s, is dit net vanselfsprekend dat
die Everest ook toegerus moet wees met funksies en tegnologie wat
noodwendig geld kos. Die Everest is daarom nie goedkoop nie. Die
nuwe Everests bied egter wel waarde vir geld.
Die lys van tegnologie waarmee die Everests spog, is egter te
lank vir hierdie artikel, maar gaan vergelyk dit maar gerus met die
spesifikasies van ‘n Prado of selfs ‘n Range Rover en dan skrik jy nie
meer vir die Everest se prys nie.
Die Toyota 4x4 Fortuner met sy 3 liter-dieselenjin kos R534 400. Dit
is meer as R50 000 goedkoper as die Everest XLT, maar dit kan nie
op papier by die Everest kers vashou nie. Die Toyota Land Cruiser
Prado 3.0DT TX kos op sy beurt R700 600. Dit is heelwat duurder
as die Everest. Die vraag vir die voornemende Prado-koper is of
dit nie sin gaan maak om eerder ‘n Everest te koop nie? Die Everest
wen die Prado met spesifikasies wat saak maak en is goedkoper.
Die Everest is dieselfde grootte as die Prado, maar het hoër
grondvryhoogte (225 mm versus 220 mm) en kan deur dieper water
beweeg (800 mm versus 700 mm). Die Everest het 470 Nm wringkrag
terwyl die Prado “net“ 400 Nm kan lewer.
Die Everest het ‘n vierjaar/120 000 km waarborg, ‘n vyfjaar/
100 000 km diensplan en ‘n driejaar onbeperkte kilometer pad-
bystanddiens. Diensintervalle is elke 20 000 km.
GERRIE SMIT,
lid van die SA Motorskrywersgilde
WIELE
vir die plaas
Die Ford Everest is nou een van die gehard-
ste sportiewe nutsvoertuie beskikbaar in
Suid-Afrika.
38
Januarie 2016