64 / 68
Isuzu KB 300 LX 4x4 met uitgebreide kajuit
– Kaptein Kirk se Suid-Afrikaanse bakkie
d
ie Isuzu KB 300 LX 4x4 met uitgebreide kajuit is die
bakkie wat so tussen die enkel- en dubbelkajuit res-
sorteer. ‘n Produsent is in sy bakkie soos Kaptein Kirk
op die beheerdek van die
Starship Enterprise
in die
Startrek
-televisiereeks.
Al sy gereedskap moet om hom wees en daarvoor moet daar plek
wees. Hy moet ook gemaklik in sy sitplek wees, want partykeer is
die rit rof of lank – of selfs albei. Daardie ekstra ruimte agter die
sitplekke om gereedskap, ‘n geweer en selfs padkos en drinkgoed
weg te bêre, is perfek vir die produsent wat, soos kaptein Kirk, in
beheer wil wees.
Die Isuzu KB 300 LX 4x4 met sy groter kajuit trek aandag. Nie net is
dit aantreklik en trek die oog nie, maar die manne wat hul bakkies
ken, weet dat die Isuzu’s bekend is daarvoor dat hulle van die brand-
stofsuinigste bakkies op die mark is – ideaal vir hierdie moeilike
ekonomiese tyd. Die kragtige 3 liter-dieselenjin, wat net in die heel
luuksste LX-spesifikasie modelle beskikbaar is, het ‘n amptelike
brandstofverbruik van 7,9 liter/100 km in ‘n kombinasie van stads-
en oop padverkeer.
Op die oop pad het
SA Graan/Grain
bevind dat die brandstofver-
bruik net oor die 8 liter/100 km teen ‘n gemiddelde snelheid van
100 km/uur is. Hou in gedagte dat hierdie ‘n 4x4-voertuig is en dit
ten spyte daarvan, steeds ‘n merkwaardige brandstofverbruik het.
Die Isuzu 3 liter D-TEQ viersilinder dieselenjin het ‘n kraglewering
van 130 kW teen 3 600 omwentelinge met ‘n maksimum wringkrag
van 380 Nm wat tussen 1 800 en 2 800 omwentelinge lewer. Hierdie
spesifieke model word met ‘n vyfganghandratkas aangedryf. ‘n
Outomatiese ratkas is wel in die dubbelkajuit-weergawe beskikbaar.
As ‘n LX-model is die 3 liter uitgebreide kajuit-weergawe ook gelaai
met geriefs- en veiligheidseienskappe, sodat iemand wat ‘n Isuzu
LX-model aanskaf, nie eers twee keer na iets anders sal wil kyk nie.
Die LX-modelle is byvoorbeeld toegerus met ‘n uitstekende outo-
matiese klimaatbeheer, wat verseker dat die temperatuur van jou
keuse eweredig deur die kajuit gehandhaaf word. Veiligheidstoe-
rusting in hierdie model sluit onder andere sluitweerremme met
elektroniese remkragverspreiding, elektroniese stabiliteitsbeheer,
lugsakke vir die bestuurder en voorste passasier en parkeerhulp in.
Hierdie bakkie is ook een van die beste sleepvoertuie in sy klas en
mag wettiglik 3 500 kg sleep.
Isuzu-bakkies het nog altyd ‘n gemakliker rit as die meeste van sy
mededingers in die mark gebied en die Isuzu KB 300 LX 4x4 stel
nie teleur nie. Afhangende van die model en wat die spesifieke
model se hooftaak is, is daar verskillende bladveer-konfigurasies
vir Isuzu se KB-bakkies. As ‘n mens by die luukse LX-modelle kom,
is die bakkie geveer vir padvastheid en rygerief. As ‘n 4x4-model
sien hierdie bakkie ook basies vir enige padtoestand kans.
Die Isuzu KB-reeks het ‘n vyfjaar/120 000 km-waarborg met ‘n
padbystanddiens vir hierdie periode. Diensintervalle vir beide die
petrol- en die dieselmodelle is elke twaalf maande of 15 000 km.
Die KB 300 D-TEQ LX 4x4 met die uitgebreide kajuit kos R451 800.
GERRIE SMIT,
lid van die SA Motorskrywersgilde
WIELE
vir die plaas
Die Isuzu KB 300 D-TEQ LX 4x4 met die uitgebreide kajuit het ‘n
groot laairuimte en ruim kajuit. Die ideale bakkie vir die kaptein
van die plaas.
62
Februarie 2016