56 / 68
54
R250 000-skenking versterk
landelike veiligheidsinisiatiewe
“K
ommersiële produsente in Suid-Afrika het met 50%
afgeneem sedert die vroeë 90’s en plaasaanvalle is
een van die groot bydraers tot dié kommerwekkende
statistiek, wat volhoubare voedselsekerheid in ge-
drang kan bring indien dié tendens voortduur.”
Só meen mnr Bennie Bester (kommersiële bestuurder: Monsanto SA)
wat tydens ‘n Monsanto-mediadag in November verlede jaar
aangekondig het dat Monsanto SA R250 000 aan die Agri Securitas
Trustfonds gaan skenk om die fonds se veiligheidsaktiwiteite te
bevorder.
Die Trust is daarop gerig om finansiële hulpmiddele aan boerdery-
gemeenskappe beskikbaar te stel waardeur hulle hul eie veiligheid
kan verbeter asook dié van ander gemeenskappe wat in die gebied
woonagtig is. Mnr Japie Grobler, wat die voorsitter van dié trust-
fonds is en wat self ook boer, het tydens die geleentheid gesels oor
die aanwending van dié tipe skenkings wat hulle ontvang.
“Ons sit nooit die eerste rand neer nie; ons finansier slegs individue,
instansies of boereverenigings wat bereid is om hulself te finansier.
Die eiendom (soos nagsigtoerusting, radio’s en veiligheidsbaadjies)
wat befonds word, bly die eiendom van Agri Securitas en die
span hou jaarliks kontrole hiervan. Die Raad van Trustees word
ook nie befonds vir die werk wat gedoen word nie. Meer as 90%
se skenkingsgeld word aangewend op voetsoolvlak. Ons finansier
ook nie iets indien ons nie ‘n verklaring kry dat die projek in
samewerking met die SAPD aangepak word nie,” het Grobler
verduidelik.
Bester sê Monsanto is trots om saam met ‘n organisasie soos
Agri Securitas in die beskerming van ons land se totale landbou-
gemeenskap te werk. “Dit sluit nie net die produsente in nie, maar
ook die plaasbestuurders en -werkers asook hul gesinne.”
Monsanto het ‘n beroep op ander maatskappye gedoen om betrokke
te raak by die aktiwiteite van die Agri Securitas Trustfonds.
AKTUEEL
RUTH SCHULTZ,
SA Graan/Grain
medewerker
Nuwe saadtegnologie
Mnr Gert Heyns (bemarkingsbestuurder: Saad en Bioteg-
nologie, Monsanto SA) het tydens dié geleentheid ge-
sels oor die opwindende nuwe basters wat vanjaar in die
Monsanto Dekalb-pyplyn is. Meer hieroor in die Maart-
uitgawe (Fokus op saad) van
SA Graan/Grain
.
Kobus Steenekamp (besturende direkteur: Monsanto SA), Japie Grobler
en Bennie Bester tydens die mediafunksie waar die aankondiging van
die skenking gemaak is.