9 / 44
KANTLYN
Op die
Trekkerverkope van 704 eenhede in Oktober is aansienlik (24%) meer
as die 567 eenhede wat Oktober verlede jaar verkoop is.
Stroperverkope van 20 eenhede in Oktober is twee eenhede meer as
die 18 eenhede wat verlede jaar in dieselfde tyd verkoop is.
– Persverklaring deur die Suid-Afrikaanse Landboumasjinerieassosiasie
op 6 November 2017
24%
2 meer
7
December 2017
Deregulering 20 jaar oud!
6 Januarie 1997
–
die Nasionale Landboubemarkingsraad
(NLBR) word gestig
30 April 1997
–
die Sorghumforum word gestig
1 Mei 1997
–
die beheerrade word afgeskaf en ‘n
vryemarkstelsel geld voortaan
8 September 1997
–
die Olie- en Proteïensade Ontwikkelings-
trust (OPOT) word geregistreer
1 November 1997
–
die Suider-Afrikaanse Graanlaboratorium
(SAGL) begin graanontledings- en verwante dienste aan
die graanbedryf lewer
11 November 1997
–
die Suid-Afrikaanse Graaninligtingsdiens
(SAGIS) word geregistreer
13 November 1997
–
die Wintergraantrust en die Wintergraan
Algemene Trust word gereregistreer en is op 1 Januarie 1998
in bedryf gestel
In
1997
word die Sonneblom- en Sojaboonforum ook gestig
–
‘n Reis deur tyd – die Graan- en oliesadebedryf van Suid-Afrika
– uitgegee deur Graan SA
DS KOOS KIRSTEN
WOORD
Uit die
d
it is wonderlik om te sien hoe ‘n vrugteboom na die
winter weer uitloop en as't ware met ‘n nuwe lewe
begin. ‘n Nuwe seisoen met al die beloftes van ‘n goeie
oes en alles wat daarmee saamgaan. Soveel meer nog
as bome weer uitloop na ‘n lang en ernstige droogte.
‘n Boom wat as dood agtergelaat is, maar tog weer begin groei, is
iets wat ‘n mens hoop op die toekoms gee en jou weer moed laat
skep om voort te gaan.
So het die Here deur die profeet Jesaja aan die volk Israel ‘n bood-
skap van ‘n nuwe begin, ‘n boodskap van hoop en nuwe moed
gestuur. In Jes. 11:1 lees ons dat die Here sê dat Hy ‘n takkie uit die
dooie stomp van Isai sal laat spruit.
Isai was die vader van Dawid, die voorvader van Jesus Christus.
Jesus was die loot – hierdie takkie wat ‘n nuwe begin gemaak het. Hy
het gekom om alles weer nuut te maak.
Eersdaags gedenk ons weer die geboorte van Jesus. Dan kan en
moet ons weer dink aan dit wat Hy in die wêreld kom doen het. Hy
het weer lewe kom gee waar die sonde en die dood geheers het
– sonde soos onreg, moord, haat, stryd en jaloesie en al die ander
slegte dinge wat in die wêreld gebeur en wat ons aan mekaar doen
of vir en van mekaar sê.
Christus het gekom om ons van ons sonde en ellende te verlos.
Hy het gekom om ons verhouding met God te herstel. Hy het gekom
om aan ons ‘n nuwe lewe te gee, die ewige lewe. Saam met die
Vader het Hy die Heilige Gees aan ons gegee om ons te wederbaar.
Só spruit daar dan ‘n nuwe takkie uit die ou dooie stomp van ons
hart. ‘n Loot wat vrug kan dra, spruit voort – die vrug van die Gees
(Gal. 5:22).
Christus is uit die ou dooie stomp van Isai gebore om ‘n nuwe
begin te maak. Uit ons dooie harte laat groei Hy ‘n takkie wat weer
vrug kan dra. Laat ons dan ook tydens hierdie Kerstyd daaraan dink
en ook die vrug waarvoor ons bestem is, dra.
Baie geluk aan
Lettie Chaka van
Bothaville wat vir die
November-uitgawe
van
SA Graan/Grain
die
gratis Bybel gewen het.
Gee gerus jóú mening van die kantlyn af:
estie@infoworks.biz083 490 9449