112 / 116
Elegante aansitete met ‘n
blou Delft-bekoring
Kontak Abrie Coetzee van Kamelia in Klerksdorp
by 018 468 5689 of 072 804 9841.
ABRIE COETZEE,
onthaal- en dekorspesialis
KUIER SAAM MET
Abrie
i
n my eetkamer met sy rooshoutmeubels en ‘n stinkhouttafel
m t elegante Jakobynstoele (oorgetrek met antieke tapisserie)
onthaal ek gereeld.
Ek gebruik lae en lae antieke Franse kant wat ek oor die tafel
drapeer en daarop dek ek met blou Delft-breekware en sil-
wer eetgerei. Sagte kerslig val op die pragtige kant lapservette en
swaar silwer messe en vurke laat dit koninklik lyk.
Fluweelrooi rose wat dramaties en passievol lyk, is in ‘n reuse blou
Delft-vaas op die antieke buffet staangemaak. Met die ou spieël
en donker hout voer dit ons terug na kastele en paleise. Lang
kristalwynglase wag elegant op ‘n droë rooiwyn.
Ek bedien die feesmaal in groot bakke van porselein op. ‘n Salm-
mousse met ‘n takkie basiliekruid; ‘n sprietui en ‘n kraakbros-
beskuitjie is die voorgereg. Dan ‘n lang, plat visbord met Dover-sole
vir elke gas – met geelbotter en ‘n suurlemoensousie.
Die dungesnyde skaapboud, word met kruisementsous bedien.
Daarby kom ‘n bak met kleurvolle geroosterde groente: Fyn pam-
poentjies, klein worteltjies, Brusselse spruite en blomkoolflorette lyk
soos ‘n groentetuinskildery.
Vir nagereg het ek ‘n dekadente sjokolade fluweelpoeding met
frambooskonfyt en dikgeklopte room.
Dié lieflike ete van swier en praal is ‘n geleentheid om nie te mis
nie. Koffie in ‘n fyn koffiestelletjie word met kaas en beskuitjies as
‘n afronding van ‘n onvergeetlike fees voorgesit en ons sluit die
aand af met vioolkonsertmusiek in die agtergrond.
Augustus 2015
110