10 / 92
ALZENA GOMES,
skakelbeampte, Graan SA
LEDE-LANDSKAP
‘n 180°-blik op ons lede en tak-akt iwiteite
Swartlandskou bring
mense bymekaar
L
andbouers en landbousektor-rol-
spelers het van regoor die Wes-
Kaap – en ander provinsies – gereis
om die jaarlikse Swartlandskou
op Moorreesburg by te woon. Hierdie
geleentheid bied aan plaaslike produsente
en insetverskaffers die geleentheid om
hul produkte, asook nuwe tegnologie, aan
mede-landbouers en die publiek ten toon
te stel.
Graan SA het ons lede by hierdie intieme
plattelandse landbouskou, wat vanaf
5 tot 8 September plaasgevind het, by ’n
gemaklike ledelokaal ontvang waar hulle
die geleentheid gehad het om met ons
Graan SA-bestuurslede, bemarkers en
ekonome te gesels.
Die algemene gemoedstemming onder
produsente was, met die goeie jaar op
hande, besonder positief. Graan SA het by
die skou ook, in samewerking met Kaap
Agri en Nedbank, ’n insiggewende paneel-
bespreking aangebied met die tema “Die
kwynende winsmarges in die graanbedryf”.
Sprekers het mnr Jaco Minnaar (voorsitter
van Graan SA), dr Dirk Strydom (bestuurder:
Graanekonomie en Bemarking, Graan SA),
prof Ferdi Meyer (Buro vir Voedsel- en Land-
boubeleid) en mnr Sean Walsh (HUB van
Kaap Agri) ingesluit.
LIANA STROEBEL,
ontwikkelingskoördineerder, Graan SA
Die Swartlandskou op Moorreesburg groei elke jaar, maar behou steeds
die karakter van ’n intieme plattelandse skou.
8
November 2018