9 / 84
DS KOOS KIRSTEN
WOORD
Uit die
o
ns kom van tyd tot tyd voor situasies te staan waar ons
ernstige en gewigtige besluite moet neem. In sommige
van hierdie gevalle kan die verkeerde besluit geweldige
negatiewe gevolge hê. In die meeste van hierdie gevalle
kan ‘n mens net eenvoudig nie die gevolge voorsien nie,
omdat niemand kan sê wat môre gaan gebeur nie. Hoe
dan nou gemaak? Daar is nie ‘n eenvoudige antwoord nie.
Ons lees in die boek Rut van ‘n man met die naam van Elimeleg en
sy vrou Naomi. Elimeleg beteken "my God is Koning". Hulle het in
Bethlehem (huis van brood) gewoon, maar daar was hongersnood in
die land. Daar was geen brood in die "huis van brood" nie. Elimeleg
was desperaat. Hy moes ‘n plan maak om aan die lewe te bly en
daarom besluit hy om na Moab te gaan om vir ‘n tyd daar te bly. Daar
was kos en hy en sy vrou en kinders kon aan die lewe bly. Dan gebeur
die verskriklike. Elimeleg sterf. Die plek wat hy gedink het hom aan
die lewe sou hou, het die plek geword waar hy sy lewe verloor het.
As ‘n mens nou hierdie gebeure binne die konteks van Num. 23 tot 25
plaas, kom daar iets besonders na vore. Iets wat vir ons van groot
belang is. In Num. 25 verbied die Here Israel om met die heidense
volke temeng. Elimeleg het hierdie verbod van die Here oortree en die
gevolg was dat hy en sy twee seuns sonder ‘n nageslag gesterf het.
Elimeleg (my God is Koning) was ongehoorsaam aan sy Koning en
die gevolge was bitter ernstig. In sy stryd om oorlewing, tree hy in
stryd met God se opdrag op en hy verloor sy lewe.
Ons dra die naam Christen. Christene is mense wat in die Here Jesus
glo as hulle Verlosser en Saligmaker. Christus is ook ons Here en ons
Koning – ons moet in alles aan Hom gehoorsaam wees. Wanneer
ons voor moeilike besluite te staan kom, moet ons die Here in die
saak ken. Vra en soek na Sy wil en Hy sal jou lei om daardeur te kom.
As jy nie kan agterkom wat Sy wil in ‘n spesifieke saak is nie, neem die
besluit en verantwoord jou voor Hom daaroor. Hy sal sake so beskik
dat alles op die ou end vir jou ten goede sal meewerk (Rom. 8:28).
Dalk werk alles op hierdie aarde nie vir jou ten goede mee nie, maar
dit sal verseker wat jou geloof en verhouding met God betref.