73 / 76
Nou mag almal die Toyota Dyna bestuur
s
edert Toyota se gewilde Dyna-vragmotor in 1965 vir
die eerste keer bekend gestel is, is dit as ‘n middelslag-
handelsvoertuig geklassifiseer en moes ‘n mens ‘n ry-
bewys vir daardie klas voertuig hê om dit te kon bestuur.
Nou het dit egter verander – danksy Toyota wat die onder-
stel sodanig herontwerp het dat hy die Dyna ‘n 3 liter-dieselenjin
sonder ‘n turbo-aanjaer gegee het, wat met ‘n sagtewareprogram
toegerus is wat die topsnelheid elektronies tot 100 km/h beperk.
Daarom word dit nou as ‘n ligte vragmotor geklassifiseer.
Daar kan nie met hierdie sagtewareprogram, waarmee die
Hino 300-, 500- en 700-reeks vragmotors volgens wet toegerus moet
word, gepeuter word nie. Daarby is die nuwe onderstel 50 kg ligter
en die bruto-voertuigmassa 3,5 ton.
Die regering het regulasies in werking gestel ingevolge waarvan
middelslag, swaar en ekstra swaar handelsvoertuie met snelheids-
beperkers toegerus moet word. Middelslag-handelsvoertuie se
topsnelhede word beperk tot 100 km/h en dié van swaarder handels-
voertuie tot 80 km/h.
Mnr Ernie Trautmann, die visepresident van Hino SA (Toyota se
afdeling vir swaar handelsvoertuie), sê die Dyna moes herklassifi-
seer word, anders sou dit aan die mark onttrek moes word. Volgens
hom wou Toyota SA dit nie doen nie, omdat die Dyna ‘n gewilde
model is wat vir verskeie doeleindes aangewend kan word.
“Ons het ook die geleentheid gebruik om die Dyna in verskeie
opsigte te verbeter,” sê Trautmann. “Die nuwe modelle word nou
met sluitweerremme toegerus en het die smal kajuit wat in sekere
Hino 300-modelle gebruik word. Die voorste paneel bestaan nou uit
een deel instede van drie en die rooster en stamper is herontwerp.
Daarby is daar nuwe halogeenkopligte met veelvuldige weerkaatsers.
“Die binneruim is ook herontwerp, met ‘n nuwe paneelbord, sitplek-
materiaal van ‘n hoër gehalte en koppiehouers vir die bestuurder en
die voorste passasier,” het hy gesê.
Volgens Trautmann sal die herklassifikasie van die Dyna beteken
dat ‘n kode B-rybewys voldoende sal wees om dit te kan bestuur.
Die feit dat dit nie nodig sal wees om elke jaar getoets hoef te word
om geskik verklaar te word nie, sal ‘n verdere voordeel vir eienaars
wees.
GERRIE SMIT,
lid van die SA Motorskrywersgilde
WIELE
vir die plaas
Die herklassifikasie van die Dyna beteken dat ‘n kode B-
rybewys voldoende is om dit te kan bestuur.
Die binneruim is ook herontwerp, met ‘n nuwe paneel-
bord, sitplekmateriaal van ‘n hoër gehalte en koppie-
houers vir die bestuurder en die voorste passasier.
71
May 2017