SA Grain May 2017

13 / 76

11
May 2017
Loer gerus na die spesiale NAMPO-uitgawe, wat saam met SA Graan/Grain
April tydskrif gepos is, vir al die inligting wat jy oor die Oesdag nodig mag kry.
Maak seker jy kry jou NAMPO-gids by die toe-
gangshekke – hierin kan jy sien wie wat waar
uitstal by NAMPO.
‘n Internasionale afslaerskompetisie sal vir die eerste keer tydens
NAMPO 2017 in die veilingskompleks aangebied word. ‘n Jeugskou
vind daagliks in die bees-/perde-arena plaas waartydens die jong-
span hul vernuf toon deur te werk met miniatuurperde, Limousin- en
Brahman-beeste.
Graan SA en Omnia se Boerepatentekompetisie – ‘n gewilde uit-
stalling by die Oesdag – kan gerus besoek word. Kom kyk na
innoverende planne wat produsente in die onderskeie kategorieë
geprakseer het om die lewe op die plaas te vergemaklik.
Na ‘n afwesigheid van twee jaar, is die Vroueprogram gedurende
die oggende terug met ‘n splinternuwe ligging en ‘n inspirerende
program in die groot wit GL-Events tent langs die Polkadot teetuin.
Die dames kan ook uitsien na ‘n paar nuwe en selfs meer uitstallings.
Volgens mnr Jannie de Villiers, uitvoerende hoofbestuurder,
Graan SA, is NAMPO die plek waar die boerdery-familie mekaar
beter leer ken en waar nuwe vennootskappe en vriendskappe
gesmee word. “Dit is ook ‘n geleentheid vir Graan SA om waardering
teenoor ons lede vir hul volgehoue ondersteuning te betoon. Ons
wil hulle graag tydens die Oesdag bederf en voorkeurbehandeling
gee. Opbetaalde lede kry gratis toegangskaartjies en toegang tot ‘n
eksklusiewe parkeerarea en die ledelokaal,” het hy gesê.
Die ledelokaal gaan vanjaar onthul word as die Graan SA en NAMPO
Belewenissentrum. Met ‘n nuwe ingang aan die kant van die Fanie
Ferreira-saal, kan elke besoeker Graan SA se fokusareas besigtig
en selfs ‘n fliekteater geniet waar visuele voorstellings van die
organisasie se aktiwiteite vertoon word. NAMPO-handelsmerk-
klere- en promosie-items sal te koop aangebied word en ouder-
gewoonte sal uitspanplek en verversings deur die dag beskikbaar
wees. Die landbou-ekonome en ander spesialiste van die Graan SA-
span sal deurentyd met raad en daad beskikbaar wees.
Toegangskaartjies is aanlyn beskikbaar by
teen R85 elk (vir Dinsdag en Vrydag) en R95 elk (vir Woensdag
en Donderdag). Kaartjies is ook by die hekke beskikbaar teen R15
duurder as die aanlynpryse. Die hekke maak om 07:00 soggens
oop en sluit weer om 17:00. Skakel gerus in op Graan SA Radio op
99.2 FM as jy naby kom vir verkeersverslae en aktuele Oesdag-
inligting.
NAMPO Park kan ook per vliegtuig bereik word en die aan-
loopbaan en landingstrook word beman deur lugverkeerleiers
en lugowerhede. Lugverkeerbeheer sal operasioneel wees van
07:00 - 17:00, met die roepsein “NAMPO Tower”. Vervoer sal vanaf
die aanloopbaan na die hek aan besoekers beskikbaar gestel word
en een van die NAMPO uitstallers sal byderhand wees om enige
instandhouding aan vliegtuie te doen indien nodig.
Troeteldiere, fietse, selfaangedrewe karretjies of motorfietse word
nie op die terrein toegelaat nie. Besoekers kan gratis gebruik maak
van vervoerwaentjies wat deurentyd in drie verskillende roetes op
die terrein beweeg.
Vir meer inligting, besoek die webblad by of
‘n NAMPO-toep (app) is gratis by jou voorkeur
aanlynwinkel beskikbaar.