41 / 44
Nuwe Audi Q7 bied uitstekende ritgehalte
d
ie nuwe Audi Q7 wat in Oktober vanjaar in Suid-Afrika
vrygestel is, is ‘n spoggerige sportiewe nutsvoertuig
(SNV), wat luukse motorrygerief bied in ‘n voertuig wat
vir alle paaie kans sien.
Die Audi Q7 is alreeds sedert 2006 in Suid-Afrika
beskikbaar en meer as 4 700 van hulle is al plaaslik verkoop. Die
nuwe Audi Q7 is effens kleiner as sy voorganger, maar danksy slim
ontwerp, is die binneruim groter.
Tans is daar net een model Q7 beskikbaar: Die Audi Q7 3.0 TDI. Dit
is ‘n sewe sitplekmodel met ‘n 3 liter-dieselenjin, wat ‘n kraglewering
van 183 kW bied. Sy wringkrag is 600 Nm tussen 1 500 en 3 000
omwentelinge. Die Audi Q7 3.0 TDI versnel van 0 km/u tot 100 km/u
in 6,3 sekondes en het ‘n amptelike topsnelheid van 234 km/u. Sy
gemiddelde brandstofverbruik is 5,7 liters/100 km. Hierdie enjin
word ondersteun deur Audi se nuwe agt-spoed Tiptronic outo-
matiese ratkas.
Die nuwe Audi Q7 se grondvryhoogte is 24,5 cm. Vir R30 500 ekstra,
kan die Audi Q7 ook bestel word met ‘n luggevulde hidrouliese
onderstel, wat beteken dat die voertuig se grondvryhoogte,
afhangende van die rytoestande, hoër of laer gestel kan word.
Dit is veral nuttig omdat die voertuig hoër gestel kan word vir rowwe
paaie. As die voertuig vinniger as 120 km/u ry, sal die onderstel
outomaties met 15 mm sak, sodat die voertuig laer en meer pad-
vas is.
GERRIE SMIT,
lid van die SA Motorskrywersgilde
WIELE
vir die plaas
1 en 2: Die Audi Q7 3.0 TDI word gebou om die beste rygerief op alle soorte
padtoestande te bied.
39
December 2015
Omdat die nuwe Audi Q7 ligter en ook laer is as sy voorganger, is
die padbeheer uitstekend. Dit is ‘n voertuig vir die persoon wat dit
geniet om te bestuur. Dit word ook deur die instrumentekontroles
onderstreep. Alles wat tegnologie kan bied om die rygehalte vir
die bestuurder te verseker, is daar. Die Audi Q7 het onder andere
‘n ingeboude navigasiestelsel met ‘n raakskermkontrolepaneel,
‘n agteruitrykamera, kontroles op die stuurwiel en afsonderlike
lugreëling vir voorste en agterste passasiers.
Die Audi Q7 het permanente vierwielaandrywing as stan-
daardtoerusting. Hierdie aandrywingstelsel word elektronies beheer
sodat, as een wiel byvoorbeeld op ‘n glibberige of sanderige pad
sy greep verloor, die ander wiele meer krag ontvang om te verhoed
dat die los wiel tol. In draaie word die krag tussen die wiele verdeel
om nog meer padhouvermoë te verseker. Die Audi Q7 is ook ‘n
uitstekende sleepvoertuig. Dit kan 2,7 ton trek en as dit met die
hidrouliese onderstel toegerus is, kan dit 3,5 ton trek.
Die Q7 3.0 TDI kos R924 000. Dit vergelyk goed met sy mededingers.
Dit is basies dieselfde prys as die BMW X5 XDrive30d wat vir
R922 000 in die mark is. Die Mercedes-Benz GLE 350d kos
R964 000, die Land Rover Discovery 3.0 SVD6 HSE kos R1 014 000
en die Volvo XC90 D5 met sy 2 liter-dieselenjin kos R893 900.
‘n Groot pluspunt is die vyf jaar/100 000 km Audi-diensplan, wat as
standaard met ‘n Audi Q7-aankoop ingesluit is. Hierdie plan kan as ‘n
verdere opsie na ses jaar of 200 000 km aangepas word.
1
2