101 / 116
wel veriϐieerbaar
N
avrae word gereeld gerig oor die betroubaarheid van die
fisiese voorraadvlakke van graan en oliesade soos dit
maandeliks deur die Suid-Afrikaanse Graan Inligtings-
diens (SAGIS) gerapporteer word en markdeelnemers be-
twyfel soms SAGIS se voorrade – veral wanneer hulle aankope wil
maak, maar nie beskikbare voorraad gemaklik kan bekom nie.
SAGIS besef die belang van deursigtigheid in die mark en dat kor-
rekte inligting noodsaaklik is vir besluitneming deur alle rolspelers
in die graan- en oliesademarkte. Vir hierdie rede word verskeie
interne en eksterne kontroles konsekwent en op ‘n deurlopende
basis deur SAGIS se personeel uitgevoer om te verseker dat inligting
vanaf medewerkers ontvang, korrek is en korrek deur SAGIS gerap-
porteer word.
Wat die voorraadsyfers betref, is dit belangrik om te onthou:
SAGIS publiseer die totale massa onverwerkte voorraad aan die
einde van ‘n maand, ongeag aan wie dit behoort.
SAGIS publiseer voorraadsyfers teen ongeveer die 25ste van
die volgende maand. Dit beteken dat heelwat van die voorraad
intussen van eienaar kon verwissel het.
Gerapporteerde voorraad sluit die fisiese voorraad in kommer-
siële strukture (verwerkers, opbergers en hawe-silo’s) en die
voorraad in transito aan die einde van elke maand in.
Voorraad op plase (ongeag of die produsent dit later in die
kommersiële mark wil lewer of op die plaas gaan aanwend) is
nie ingesluit by SAGIS se voorraadsyfer nie, tensy die produ-
sent geregistreer is as ‘n kommersiële opberger (opberg teen
betaling), verwerker of uitvoerder (dan word sy fasiliteite as ‘n
kommersiële struktuur geag).
Die totale onaangewende of onverwerkte voorraad wat in die land
teenwoordig is, word dus op die laaste dag van ‘n maand gepubli-
seer, ongeag aan wie dit behoort en of dit reeds gekontrakteer is.
Aksies om die korrektheid van voorrade
soos gepubliseer te verseker
Interne kontroles
SAGIS beskik oor ‘n gesofistikeerde rekenaarstelsel, wat:
Verskeie toetse uitvoer wanneer ‘n opgawe op die stelsel ver-
werk word. (Byvoorbeeld: Is die vorige maand se opgawe
vasgelê?; beginvoorraad is die vorige maand se eindvoorraad?;
eindvoorraad is die som van die beweging van graan in die
res van die opgawe?; firma- en perseelnommers is geldige
nommers?)
Verslae word opgestel wat die personeel help om foute en
afwykings vinnig te identifiseer vir opvolg. (Byvoorbeeld: Ver-
gelyk B se ontvangstes vanaf A met A se versendings na B?)
Eksterne kontroles
Inligting van eksterne bronne (soos SAID, PPECB, Portnet en
Spoornet) word gebruik om SAGIS se inligting teen te meet.
Oudit-inspeksies
SAGIS se ouditinspekteurs speel ‘n belangrike rol deurdat hulle
die betroubaarheid van die inligting onafhanklik en fisies op die
perseel meet. Hulle aktiwiteite sluit onder andere in:
Fisiese voorraadopnames
Tydens die opnames word alle persele van ‘n medewerker besoek
en word alle heelgraan in voorraad gemeet (bepaal volume van
opbergfasiliteite – meestal bekombaar vanaf ingenieursplanne
en fisiese meting van volume van die tonnemaat voorhande). Die
tonnemaat in voorraad word vergelyk met die medewerkers se
boekvoorraad en dít wat op die opgawes verklaar is.
Die inspekteurs se doelwit is om medewerkers wat tot 90% van
alle inligting verskaf, ten minste elke twee jaar te besoek en voor-
raad fisies te neem. Die res van die medewerkers word ten minste
elke jaar besoek.
Oudit van brondokumente en rekords
Brondokumente word op steekproefbasis getrek en deurgevolg na
die opgawe om die redelike akkuraatheid en volledigheid van die
opgawe te bepaal.
Ofskoon inspeksies gereeld vind dat verstellings aan die opgawes
wat verskaf is nodig is, is dit nietige verstellings wat feitlik geen
effek het op SAGIS se reeds gepubliseerde inligting nie.
NICO HAWKINS,
hoofbestuurder: Suid-Afrikaanse Graan Inligtingsdiens
AKTUEEL
Stewardship is about passing
along the best technology to
the next generation. Planting a
refuge is important because it
prevents the natural build-up
of resistance and protects the
technology.
Reap the benefits of
YieldGard
®
and
YieldGard
®
II
technology and plant
your refuge area!
Monsanto, YieldGard
®
and YieldGard
®
II are
registered trademarks of Monsanto Technology LLC.
Monsanto South Africa (Pty) Ltd,
PO Box 69933, Bryanston, 2021
Tel: +27 11 790-8200
Fax: +27 11 790-8350
www.monsanto.co.zaTogether we can
protect the technology
and ensure the future.
A12622/SAG
99