3 / 76
1
April 2017
MEDEWERKERS
vir hierdie uitgawe
Dr Annelie Barnard, Pietman Botha, Jannie de Villiers, dr Eben du Preez, Magda du Toit, Alzena Gomes, dr Pierre Jansen van Vuren, Koos Kirsten, Ben Krog, Corné Louw,
Jenny Mathews, Chris Milne, dr Shaun Morris, Learnmore Mwadzingeni, Hestia Nienaber, Cobus Olivier, Ruth Schultz, Hussein Shimelis, Gerrie Smit, Isak Staats, dr Toi J Tsilo,
Luan van der Walt, Peet van der Walt en Toit Wessels
a
s ligte slaper word ek maklik wakker van ‘n uil se roep buite
of as die kinders in die middel van die nag in die gang
afgehardloop kom na die veiligheid van Pa en Ma se bed.
Partykeer is dit vir my lekker om net te lê en luister na die
doodse stilte daar buite en die bekende, gerusstellende
geluide in die huis: My man wat rustig langs my lê en slaap; ‘n bed
wat kraak as ‘n kind omdraai; die horlosie teen die muur wat stadig
die minute verbytik; die fontein wat in die binnehof kabbel; en die
hond wat in die gang lê en snork. Jy ken mos die naggeluide van jou
huis. Jy is tuis – nie soos op ‘n vreemde plek waar elke geluidjie in die
donker nag ‘n mens jou ore laat spits en laat wakker lê nie.
Op NAMPO Park voel ek ook so “tuis”. Toe ek Maartmaand met
Graan SA se Kongres daar was, het dit gevoel soos verlede week
wat ek daar rondgestap het en foto’s by die NAMPO Oesdag vir die
tydskrif geneem het. Dié is hoeka om die draai! (
Kyk uit vir ons spesi-
ale uitgawe wat saam met die April-uitgawe uitgepos word!
)
By die Oesdag weet ‘n mens mos al presies waar watter uitstaller
is wat jy soek; wie die lekkerste sosaties verkoop en onder watter
koelteboom jy jou bene ‘n bietjie kan laat rus. En as jy iemand met
‘n hekprogram sien staan en kopkrap en die terreinkaart al om-en-
om draai, beduie jy hulle sommer in ‘n japtrap waar die uitstalling is
waarna hul soek. As jy boonop ‘n Graan SA-lid is, kan jy heerlik gaan
ontspan in die ledelokaal – daar sal jy nou éérs tuis voel!
Graan SA Kongres
Maar om terug te keer na Kongres: As jy dit nie vanjaar kon by-
woon nie, kan jy in dié uitgawe alles daaroor lees – van bladsy 12
tot bladsy 42. Die Kongres is in drie hoofsessies aangebied en het
afgeskop met ‘n aanbieding van mnr Mike Mlengana (Direkteur-
generaal van die Departement Landbou, Bosbou en Visserye) (sien
bladsy 22). Verder was die onderwerpe
Graanekonomie en die be-
leidsomgewing
,
maatstawwe en die
Graan SA-toepassing
(App)
(bladsy 24) sowel as die
Graanbeleidsomgewing en die impak
daarvan op die bedryf
(bladsy 27). Gaan loer gerus ook na die foto-
blaaie om te sien wie daar was wat jy dalk ken of lanklaas gesien het
(bladsy 12 tot 19).
Verder kan jy ook in die uitgawe ‘n oorsig kry van die afgelope vyf
jaar se direkte plant-proewe wat by Nigel gedoen is. Die proef met
sy behandelings is op ‘n perseel wat meer as 10 ha beslaan, aange-
plant. Pietman Botha (
SA Graan/Grain
medewerker) verduidelik op
bladsy 48 dat dit bestaan het uit ‘n konvensionele gedeelte asook
die direkte plant-gedeelte waar die gewasse in 0,5 m-rye geplant is.
Wisselbougewasse is ook ingesluit en het bestaan uit sojabone en
permanente aangeplante weiding.
Poets so lank jou stapskoene – sien jou eersdaags by NAMPO!
Groetnis tot dan.
ESTIE DE VILLIERS,
redakteur
VOORPUNT
N
AMPO Park was op 8 en 9 Maart vanjaar weer
die middelpunt van gebeure met Graan SA
se jaarlikse Kongres. Graan SA-lede, produsente,
regeringsamptenare, landbourolspelers, akade-
mici, vennote en belanghebbendes het saamgetrek
om dié jaar se tema “Graanroete vir die toekoms”
te bespreek. Op
bladsy 12
gee
ALZENA GOMES
(skakelbeampte: Graan SA) terugvoer oor die
gebeurtenis.
D
ie groot oes wat verwag word, plaas pryse
onder druk en die verwagting is dat Suid-Afrika
weer vanjaar na ‘n netto uitvoerder van mielies sal
beweeg. In baie gevalle bly die winsgewendheid
van produsente steeds in die weegskaal – ten
spyte van die verwagte goeie opbrengste.
LUAN VAN DER WALT
(ekonoom: Graan SA)
kyk op
bladsy 44
na bemarkingsmoontlikhede
vir die seisoen.
R
UTH SCHULTZ
(
SA Graan/Grain
medewerker)
het op 14 Februarie die eerste fase van die
Grain Academy-program wat vir die jaar afgeskop
het, bygewoon. In vennootskap met die Univer-
siteit van die Vrystaat se Besigheidskool en
Graan SA is dié sakeleierskapsontwikkelings-
program in 2013 bekend gestel as ‘n platform vir
onderrig en interaksie, waar daar gefokus word op
die uitdagings wat plaaslike voedselproduksie in
die gesig staar. Meer op
bladsy 57
.
D
ie nasionale koringkultivar-evaluasievergade-
ring is op 8 Februarie vanjaar op Bethlehem
gehou waar die komitee bymekaargekom het om
die resultate te bespreek en aanbevelings vir die
2017-seisoen op te dateer.
DR ANNELIE BARNARD
(LNR-Kleingraan, Bethlehem) skryf op
bladsy 65
oor dié program en die produksiehandleidings
wat beskikbaar is.
Ontmoet ons
medewerkers...
a
SHLEY ERASMUS
(grafiese
ontwerper by Infoworks) is
die afgelope tien jaar verant-
woordelik vir die bladuitleg
van
SA Graan/Grain
. (Die
Maart 2007-uitgawe was die eerste een
waaraan hy gewerk het.)
Hy is gebore op Rustenburg, was op Stilfontein in die laer-
skool en het aan die Hoërskool Tegnies Klerksdorp gematri-
kuleer waarna hy twee jaar in Londen los werkies (of
cheap
labour
soos hy dit noem) gedoen het. Na sy terugkeer na son-
nige Suid-Afrika studeer hy grafiese ontwerp by die Sentrale
Universiteit van Tegnologie in Bloemfontein.
Dié grafiese ontwerper het Maart 2006 by Infoworks se span
aangesluit en is sedert 2010 hoof van dié onderneming se
grafiese ontwerpafdeling. Dit is vir hom ‘n uitdaging om iets
nuuts te ontwerp, sy ontwerp en uitlegvaardighede te ver-
beter en om sy kennis met mede-ontwerpers te deel.
Hy is ‘n kranige buitelewe-entoesias en hou van braai, visvang
en gholf.