53 / 68
ULTRAKOMPAKTE
opsporingstoestelle bekend gestel
E
en van Suid-Afrika se voorste opsporings- en telemati-
kaverskaffers, Ctrack, het sy BX500- en BX600-reeks van
draadlose, ultrakompakte GPS-opsporingstoestelle bekend
gestel.
Die nuwe toestelle, wat ideaal geskik is vir gebruik in motors,
vragmotors en motorfietse, vierwielmotorfietse, gholfkarre, afle-
weringsvoertuie en kragopwekkers, is ook ontwerp vir gebruik in
onaangedrewe bates soos skeepshouers, sleepwaens en pakkette.
BX-modelle is ultrakompak, wat beteken dat hulle maklik in vrag
versteek kan word en albei het genoeg geheue om ’n rekordgetal van
25 000 ritte aan te teken.
Toestelle, met aanpasbare opsporing, gebruik versnelmeters sowel
as data van GPS-senders om bewegings intelligent te bespeur en
lewendige opdaterings te stuur. Albei modelle kan ook verstel word
om óf voortdurende opsporingsinligting te verskaf óf net een keer
per dag om so die interne batteryleeftyd te verleng.
Die BX500-model kry sy krag van verwyderbare litiumbatterye, wat
tot vier jaar kan hou indien dit ’n enkele daaglikse opsporingsopda-
tering verskaf.
Die BX600-model, met ’n kragtige interne batterystel, kan herlaai
word danksy die mikro-USB-kabel en kompakte herlaaier, wat saam
met die toestel verskaf word. Verskeie BX600-eenhede is onlangs
met groot sukses gebruik om die verloop van die Sasol Solar Car
Challenge te monitor. Elkeen van die toestelle het ’n gemiddeld
van 96 uur se bestuurtyd opgeteken – en is net een keer, voor die
aanvang van die wedren, gelaai.
Hierdie model is ook toegerus om peuterpogings te bespeur.
Hierdie eienskap maak dit ideaal vir toepassings in ’n vrag met ’n
hoë waarde.
Albei die nuwe opspringstoestelle word gehuisves in geharde
hulsels wat vervaardig word van ABS/polikarbonaat-plastiek.
Ctrack se BX-eenhede beskik oor afstandbeheer, wat beteken dat
hulle oor die eter (via radiogolwe) gekonfigureer en opgedateer kan
word. Deur die gebruik van ’n enkele mikro-SIM kan hulle gekonfigu-
reer word om te sweef oor verskeie 2G-, 3G- of 4G-netwerke in
Suid-Afrika.
Deur enige van die twee toestelle te benut, verkry sakelui nou be-
heer oor elke aspek van hul besighede. Hulle weet presies waar al
hul bates is en of hulle geskuif is of beweeg het of nie. Die bestuur-
ders van wildplase en natuurreservate kan nou ook sien waar hul
mobiele bates in die veld of bos is.
Verder kan diegene wat die gebruik van hul mobiele bates, soos
afleweringsmotorfietse, doeltreffender wil beheer en optimaliseer,
ook baat vind by Ctrack se liggewigoplossings.
Deur eenvoudig die BX-toestel in ’n houer of in die vragruim te plaas,
kan Ctrack jou op diskrete wyse laat weet waarheen jou bates of
aflewerings gaan en ook hoe om hul volgende bewegings beter te
beplan.
51
February 2019
OP PLAASVLAK
Werktuie en toerusting
Produkinligting
JACQUES WILKEN,
Wilken Communication Management
1: Die Ctrack BX600-model het
’n kragtige interne batterystel
en kan herlaai word danksy die
mikro-USB-kabel en kompakte
herlaaier wat saam met die toe-
stel verskaf word.
2: Verwyderbare litiumbatterye verskaf
krag aan die BX500-model. Die batterye
kan tot vier jaar hou indien dit ’n enkele
daaglikse opsporingsopdatering verskaf.
51
2
1