NAMPO 2019

7 / 140

AKTUEEL
5 Graan|Grain
Toit Wessels, organiseerder
van die NAMPO Oesdag.
Daarby het die kleinveekompleks ’n nuwe baadjie gekry en sal
dit voortaan as die BKB Kleinveekompleks bekendstaan.
Uitstalruimtes
Die John Deere-uitstalruimte spog met ’n splinternuwe gebou van-
waar hulle klere en ander promosiemateriaal sal verkoop en hul
implemente sal uitstal. JCB het ook ’n struktuur in die nuwe uitbrei-
ding van NAMPO Park opgerig waar hulle voortaan gevind kan
word.
Hekke
’n Nuwe hek (Hek 4) is aan die noordekant (tussen Hek 3 en die
ledehek) opgerig om verkeersopeenhopings van Orkney se kant te
verlig en nader toegang tot die terrein te verleen.
NAMPO-gangers sal vanjaar vir die eerste keer toegelaat word
om deur draaihekke by al die ingange in te kom, waar hul kaartjies
bloot geskandeer kan word.
Toegang
Goeie nuus vir besoekers is dat toegangsgeld vir 2019 onveranderd bly.
Aanlynkaartjies is by Ticketpro beskikbaar teen
R20 minder per kaartjie as by die hekke.
Stalletjies
Danie vestig besoekers se aandag graag op die bykomende stal-
letjies. “Danksy ’n Eskom-hoogspanningskraglyn wat ondergronds
herlei is, kon daar plek vir 60 buitestandplase (agter die Hinterland-
lokaal) gemaak word,” sê hy. Dit is veral vragmotors, motorfietse,
saad en ander landbougerigte produkte wat hier te sien sal wees.
Naby die Caltex-saal waar die vorige vee-ring was, is ’n byko-
mende sewe uitstalruimtes geskep.
Volgens Wim sal daar vanjaar sowat 775 uitstallers by NAMPO
wees, waarvan 50 uit die buiteland kom. Van internasionale kant is
daar georganiseerde groepe uitstallers uit die VSA, die Verenigde
Koninkryk, Frankryk, Brasilië, Argentinië en Italië. Daar is ook indivi-
duele uitstallers van Denemarke, China en Turkye. Heelwat buite-
landse besoekers word weer verwag.
Vroue
Die Padstal en vrouesale beloof weer vele nuwighede vir die skoner
geslag. Die Media 24-vroue-oggende sal soos gewoonlik ‘n groot
treffer wees. Jak de Priester, Mareli Visser (Die Koektannie) en
Retha de Villiers sal onder andere te sien wees. ’n Nuwigheid vir
2019 is die boekbesprekings wat smiddae (van 14:00 tot 15:00) in die-
selfde tent sal plaasvind. Michelle van Breda, redakteur van Sarie,
sal ook daar teenwoordig wees.
Kinders
Goeie nuus vir ouers is die nuwe Senwes-speelpark agter die
SAMPI-saal. Ouers kan hul kleinspan daar laat om onder streng toe-
sig opvoedkundig gestimuleer te word. Maak gerus daar ’n draai.
Kos
Daar is vanjaar twee nuwe kosstalletjies ingerig in ’n poging om die
wagtyd vir kos korter te maak.
Rolstoelvriendelik
Met die byvoeging van ’n rolstoelvriendelike trap by die Fanie
Ferreira-saal is ’n groot persentasie van die sale nou toeganklik vir
persone in rolstoele.
NAMPO Kaap
Wim meen dat NAMPO Kaap nie ’n effek op vanjaar se besoekers­
getalle sal hê nie. “Produsente uit die Wes-Kaap het nie gereeld
Bothaville toe gekom nie, omdat dit gewoonlik met hul planttyd
saamval.”
Dit is nodig om te beklemtoon dat NAMPO Oesdag (Bothaville)
die vlagskip is en NAMPO Kaap ’n streekskou. NAMPO Park by
Bothavillebehoort aan Graan SA en gevolglik kan daar deurlopend
uitbreiding en ontwikkeling gedoen word.
Die terrein by Bredasdorp behoort aan Overberg Agri en word
vir die doel van NAMPO Kaap aan NTC verhuur. Die NAMPO Oes­
dagkomitee het ’n vyfjaarooreenkoms met NTC om met die admi­
nistrasie, plasing en kontrakte te help.
Hoewel NAMPO Kaap nie die omvang van Bothaville het nie,
was die eerste skou in 2018 besonder geslaagd en het vele uitstal­
lers reeds laat weet dat hulle vanjaar groter uitstalruimtes verlang.
NAMPO Kaap vind dié jaar van 4 tot 6 September plaas.
Verkiesing
Suid-Afrika se sesde demokratiese verkiesing vind op 8 Mei plaas.
Hoewel die organiseerders naels gekou het in afwagting op presi-
dent Cyril Ramaphosa se aankondiging van die datum, word daar
nie verwag dat die verkiesing ’n nadelige effek op die NAMPO Oes-
dag sal hê nie.
Toit sê: “Die legkaart is gepak: Ons poog om eerder ’n groter
verskeidenheid uitstallers te hê as wat dieselfde uitstallers net groter
uitstal.”
Kortom – wees hierdie jaar by die NAMPO Oesdag! “Dié wat
nie daar gaan wees nie, gaan ’n besondere geleentheid laat
verbygaan,” waarsku Toit. “Al die heel nuutste tegnologie sal van-
jaar by NAMPO wees en verskeie nuwe voertuie word ook daar
bekend gestel.”