107 / 116
Simbiose
– in die natuur, tussen mens en dier of
mense onderling
GRAAN SA
/
SASOL
FOTOKOMPETISIE
KOMPETISIEREËLS
1. Inskrywings moet die tema, “Simbiose”, uitbeeld.
2. Slegs amateurfotograwe (dit wil sê persone wat nie ‘n bestaan maak uit die neem van
foto’s nie) mag vir die kompetisie inskryf.
3. Onaanvaarbare gemanipuleerde foto’s sal nie aanvaar word nie. Onaanvaarbare ma-
nipulasie van foto’s behels in wese die byvoeging van visuele elemente wat aanvanklik
nie in die foto was nie (byvoorbeeld wolke of plantegroei), asook die uithaal van beeld-
elemente wat die konteks of tema van die foto verander (byvoorbeeld ‘n onooglike en
substantiewe beeldelement iewers in die foto). Aanvaarbare manipulasie behels die
volgende: Die verandering van die foto se oorspronklike dimensies (
cropping
– gegewe
dat dit nie die konteks of onderwerp verander nie), verstellings aan onderbeligte of
oorbeligte dele (
exposure adjustments
) en verstellings aan die kleurtemperatuur
(die algemene kleurtint van die foto –
colour temperature correction
). Indien twyfel
ontstaan oor die mate van manipulasie, mag die beoordelaars versoek dat die oor-
spronklike ongemanipuleerde foto beskikbaar gestel word.
4. Slegs e-posinskrywings sal aanvaar word. Die foto’s mag nie kleiner as 1 MB of groter
as 10 MB elk wees nie – in JPG-formaat.
5. Foto’s wat ingeskryf word, moet uniek wees en nie oor dieselfde onderwerp handel as
foto’s wat vir ‘n ander fotokompetisie ingeskryf is nie. Foto’s wat ingeskryf word, mag
ook nie voorheen gepubliseer wees nie.
6. Die fotograaf moet ‘n fotobyskrif, asook sy posadres en telefoonnommer/s, saam met
die foto verskaf.
7. Deelnemers kan ‘n maksimum van drie foto’s (waarvan die onderwerpe verskil) per
uitgawe inskryf. Indien meer as drie foto’s ingestuur word, sal die eerste drie foto’s wat
ontvang word, vir die kompetisie in aanmerking geneem word.
8. ‘n Deelnemer wat ‘n maandwenner is, kan vir die daaropvolgende drie uitgawes nie
inskryf nie.
9. Persone op die foto moet geïdentiÀseer word (verskaf noemnaam en van).
10. Fotograwe kan elke maand tot en met die afsnytyd hul foto’s instuur. Inskrywings wat
ná die afsnytyd ontvang word, sal vir die volgende maand se kompetisie ingeskryf
word.
11. ‘n Paneel, wat bestaan uit twee professionele fotograwe asook verteenwoordigers
van
SA Graan/Grain
en Sasol, sal die foto’s maandeliks beoordeel.
12. Alle inskrywings word die eiendom van Graan SA. Die foto’s sal in ‘n databank ge-
bêre word en Graan SA en Sasol mag dit vir toekomstige promosie-, bemarkings- en
publikasiedoeleindes gebruik. Deur in te skryf, stem die deelnemer in daartoe en geen
eise van derde partye vir skending van kopiereg kan ingedien word nie.
13. Werknemers van Sasol, Graan SA of Infoworks mag nie vir die kompetisie inskryf nie.
14. Graan SA behou die reg voor om foto’s wat onduidelik is of nie aan die kompetisiereëls
voldoen nie, af te keur.
Vanjaar se Graan SA/Sasol-fotokompetisietema “Simbiose” (Grieks:
Syn
= saamwees +
bios
= lewe) beteken letterlik “saamlewe” en
verwys na enige direkte en intieme saamleefverhouding tussen twee
organismes van verskillende spesies.
Kyk rondom jou met ‘n kreatiewe oog en stuur vir ons jou inter-
pretasie van die unieke tema. Is dit dalk ‘n by op ‘n sonneblom
of ‘n heuningbekkie wat aan die aalwyn se nektar smul? Die
plaaswerker wat ‘n bees melk? Of ‘n produsent wat na die pas-
ontkiemde mielies kyk? Verras ons met jou foto’s van die tema.
R48 000 te wen!
Vanaf Januarie 2018 word daar elke maand, vir twaalf uit-
gawes aaneen, ‘n wenner deur ‘n paneel beoordelaars
aangewys – met ‘n kontantprys van R1 500 elk. Die twaalf
Ànaliste kom aan die einde van 2018 in aanmerking
om die wenner van die jaarlikse kompetisie (en dus
die tema “simbiose”) te wees. Die prysgeld vir daar-
die kompetisie lyk soos volg:
R15 000
(wenner),
R10 000
(naaswenner) en ‘n derde prys van
R5 000
.
Baie dankie aan Sasol wat weer hierdie jaar die prysgeld
borg.
Stuur foto’s na
elmien@infoworks.biz .Onthou om jou naam, posadres,
telefoonnommer en ‘n byskrif vir die foto saam te stuur.
Die opdraande stryd van ‘n sonbesie op ‘n sonneblomblaar is ‘n perfekte uitbeelding van die tema, simbiose. Dié foto besorg aan
Amanda van Blerk van Bethlehem die eerste prys van R1 500 in die Februarie-kompetisie.
WENFOTO
VIR FEBRUARIE
2
de
In die tweede plek is Renette van der Merwe se foto, “Die wêreld se
bestaan in een prentjie” wat op die plaas, Tygerfontein, in die
Vredefortkoepel geneem is.
Adêl Mostert se man, Daan, wys vir Clarissa (4) hoe ‘n
mens bepaal of bone gereed is om getrek te word.
“Plaasmeisies droom groot” ontvang die derde plek.
SLUITINGSDATUM
April 2018: 12 Maart
Mei 2018: 9 April
3
de