3 / 52
1
December 2014
Ontmoet ons
medewerkers...
c
hris Dannhauser is gebore
en getoë op Petrus Steyn. Hy
het BSc (Plant- en Dierkunde)
aan die NWU gestudeer en
voltooi sy BSc-honneursgraad in
Plantekologie. Daarmee besig, werf
die destyds bekende prof Koos van
Wyk hom as navorsingsassistent in
‘n program wat ondersoek instel na
die hervestiging van versteurde gebiede in Nasionale Padreser-
wes – waar hy deeglik kennis maak met die grasfamilie en sy
meestersgraad voltooi. Chris word daarna aangestel as navorser
in Weidingkunde by die Potchefstroomse Landboukollege – met
Robert Drewes as mentor. “Dit is hier waar ek geleer het van
veldbestuur en aangeplante weiding,” vertel Chris. ‘n Paar jaar se
navorsing op Smutsvingergras het toe gelei tot sy PhD, behaal
aan Kovsies. Chris is tans ‘n professor in die Departement van
Plantproduksie, Grondkunde en Landbou-ingenieurswese aan die
Universiteit van Limpopo. Hy is getroud met Retha en het twee
dogters, ‘n seun en sewe kleinkinders. Hy is een van die mede-
outeurs van die reeks
Conservation agriculture: Integrated crop
and pasture-based livestock production systems
– sien
bladsy 27
in dié uitgawe.
G
raan SA se Sonneblom- en
Sojaboonwerkgroep het op 9 September,
na afloop van die werkgroepvergadering op
Standerton, ‘n besoek gebring aan Noble se nuwe
persaanleg.
WILLEM VOOGT
(Graan SA) deel op
bladsy 10
met die lesers wat hulle by dié aanleg
gesien en beleef het.
P
lant jy volgens die 2015/2016-markbehoefte
of skiet jy uit die heup? Dít is die vraag wat
WESSEL LEMMER
(Graan SA) vra op
bladsy 16
.
Volgens hom kan die 2015/2016-bemarkingsjaar
‘n belowende en winsgewende jaar vir graan-
en oliesadeproduksie wees – indien mielie-
opbrengste 4,67 ton/ha of minder realiseer en
2 miljoen ton mielies uitgevoer kan word.
MEDEWERKERS
vir hierdie uitgawe
Jayne Boccaleone, Chris Dannhauser, Jannie de Villiers, Petru Fourie, Justin Hatting, Elmarie Helberg, Koos Kirsten, Wessel Lemmer, Corné Louw,
Johan Loxton, PJ Pieterse, Charlie Reinhardt, Ruth Schultz, Gerrie Smit, Hendrik Smith, Louw Steytler, Liana Stroebel, Wayne Truter, Gerrie Trytsman,
David Viljoen, Willem Voogt en Toit Wessels
w
ie onthou nog die seuntjie van die televisieprogram
Orkney snork nie
wat so opgewonde gesê het: “Ons
gaan see toe! Ons gaan see toe!”? Ek voel presies
soos daardie outjie, want ons gaan see toe...Waen-
huiskrans toe!
Waenhuiskrans is my hartsplek waarheen ons kleintyd gereeld
met vakansie gegaan het. Diegene wat my ken, weet ek kan liries
raak oor dié klein kusplekkie. Ons gesin het altyd in ‘n
bungalow
in die karavaanpark gebly en my ouma-hulle (en later my oom-
hulle) in ‘n karavaan op plot 1 – ‘n tradisie vandat my ma ‘n klein
dogtertjie was.
Kleintyd het ons en die niggies en nefies en goeie vriende van die
Kaap, heeldag saam geswem en vissies in die rotspoele gevang.
As tiener het ons hope maats gehad – in die karavaanpark en uit
die strandhuise. Regte ou strandhuise wat so muwwerig ruik as jy
daar ingaan, met meubels wat nie bymekaar pas nie – afgeleefde
(of kom ons sê eerder “karaktervolle”) meubels, wat tuis moes
plek maak vir nuwe meubels en toe hul weg gevind het strand-
huis toe.
Jy het die maats net Desembermaand gesien – en het amper heel-
jaar daarna uitgesien. Daar was nie televisie gewees as ons met
vakansie was nie. Ons het elke aand tot ounag kaart of bordspele-
tjies by iemand gespeel of op die duine gaan lê en na die sterre
gekyk. En die ouers was nooit bekommerd nie; al het jy ná mid-
dernag tuisgekom. Weet nie of ek as ouer dit in vandag se tyd sal
regkry nie! Maar tye (en Waenhuiskrans) was net ánders gewees...
Tyd het toe stilgestaan.
Die tyd het beslis nie hierdie jaar stilgestaan nie en in die laaste
uitgawe van 2014 kan ons lesers meer lees oor die 6th World
Congress on Conservation Agriculture wat Hendrik Smith in
Kanada bygewoon het (bladsy 12); Biologiese beheermetodes en
jou (vriendelike) vyande (bladsy 30); Die kopklem waarin produ-
sente verkeer vra kopskuiwe in opleiding, navorsing en voorligting
(bladsy 37); en meer lees oor ‘n hele paar funksies en gebeurtenis-
se wat die redaksie die afgelope paar maande bygewoon het.
Geseënde Kersfees! Mag elkeen van julle ‘n wonderlike Christusfees
saam met julle geliefdes hê. Koester dit.
Ons dink in hierdie tyd ook aan Pietman Botha, een van ons ge-
reelde medewerkers, wat in die afgelope maand sy vrou, Erika,
skielik aan die dood afgestaan het. Sterkte, ou Pietman! Jy en die
kinders is in ons gedagtes en gebede.
Groetnis tot 2015.
ESTIE DE VILLIERS,
redakteur
VOORPUNT
K
oringmarkte, plae en die winsgewendheid van
dié gewas, was van die kwellinge en kwessies
wat tydens vanjaar se LNR-Kleingraaninstituut
(LNR-KGI) Koringinligtingsdag aangeraak is.
ELMARIE HELBERG
(
SA Graan/Grain
medewerker)
het die dag bygewoon en vertel ons meer daarvan
op
bladsy 39
.
O
ns groet in dié uitgawe ons maandelikse ru-
briekskrywer,
DAVID VILJOEN
. Hy verduidelik
vir oulaas op
bladsy 46
hoekom hy sê dat ‘n mens
eerder plante moet selekteer wat in ‘n area gaan
aard, of dit nou inheems (vanaf Suid-Afrika), ende-
mies (inheems tot ‘n spesifieke area) of uitheems
(vanaf ‘n ander land) is, mits dit nie ‘n probleem vir
die omgewing gaan inhou nie.