25 / 37
ႄႇ
HOOFSTUK 2
Die Bemarkingswet het die Raad bemagtig om volle beheer oor die koring-tot-
broodketting uit te oefen. Vanaf 1938 het die Raad die in- en uitvoer van koring
en koringprodukte beheer, die verkoop van koring aan enige ander entiteit as die
Raad en sy agente verbied, soos ook die verkoop van koringmeel en brood teen
ander pryse as wat die Raad bepaal het en het selfs die grootte van bakkers se
oonde gereguleer. In die geheel gesien, was dit die omvattendste beheer oor enige
produksieketting in die land se geskiedenis, wat vir sowat 59 jaar voortgeduur het.
Die Raad van Beheer oor die Koringnywerheid wat in terme van die 1938-wet in
die lewe geroep is, het op 24 Oktober 1938 vir die eerste keer vergader. Die Raad
het wyer magte en verantwoordelikhede as sy voorganger gehad. Die belangrik-
ste take was om die Minister te adviseer oor graderings- en verpakkingsvereistes,
sowel as die voorwaardes waaronder koring en koringprodukte verkoop, ingevoer
of uitgevoer kon word. Van die Raad se ander magte was onderhewig aan goed-
keuring van die Minister, soos die oplê en invordering van heffings, vasstelling
van pryse, registrasie van meulenaars en dorsmasjieneienaars en die verbod op
verkoop van koring aan enige ander entiteit as die Raad.
Wintergraanskema
Die Koringreëlingskema het vir elf seisoene in werking gebly totdat dit vanaf
1 November 1950 deur die Wintergraanskema vervang is. Hierdie nuwe skema het
voorsiening gemaak vir die insluiting van gars, hawer en rog onder die beheer van
die Raad van Beheer oor die Koringnywerheid.
Die eerste selfaangedrewe koringstroper
is in 1953 bekendgestel.
Een van die eerste koringstropers.
Die vroeë 1900’s. Koring is eers gesny en dan gedors (in baie gevalle deur kontrakteurs).
Koringsny in die 1900’s.
DIE EERSTE VERGADERING VAN DIE KORINGRAAD NA DIE
INWERKINGTREDING VAN DIE KORINGREËLINGSKEMA
HET 13 SITTINGSDAE BELOOP AS GEVOLG VAN DIE GROOT
AANTAL SAKE WAARAAN DIE RAAD MOES AANDAG GEE,
SOOS DIE VASSTELLING VAN PRYSE EN KOMMISSIES,
AANSTELLING VAN AGENTE, VERKOOPSVOORWAARDES,
DISTRIBUSIEREËLS, GRADERING EN PRYSE VAN
PRODUKTE, ASOOK ADMINISTRATIEWE SAKE WAT
HANTEER MOES WORD.