20 / 37
DIE
GRAAN- EN OLIESADEBEDRYF
VAN SUID-AFRIKA – ‘N REIS DEUR TYD
ႄႂ
mielieprodukte en in die algemeen oor die bemarking
en/of verwerking van mielies en mielieprodukte.
Aanvullend tot die funksies wat die Mielieraad in die be-
marking van mielies en ander graansoorte gespeel het,
het dit in verskeie opsigte en op verskeie terreine as ’n
wesenlik belangrike skakel in die mieliebedryf gedien:
• Die Raad en sy agente was verantwoordelik vir die
inname, gradering, opberging en verspreiding van
die land se mielievoorrade. Hierin het die landbou-
koöperasies die grootste rol gespeel, maar die Raad
het ook meulenaars en handelaars as agente aange-
stel. Die uiteindelike reg op en verantwoordelikheid
vir verspreiding van mielies het egter altyd by die
Mielieraad berus.
Vanaf Julie 1977 is alle mielies, sorghum en bokwiet
wat vanaf die binneland na hawens vervoer is, in
massavragte per trein vervoer. Teen ongeveer 1985
was mielies die derde belangrikste kommoditeit wat
die Spoorweë hanteer het, naas steenkool en yster-
erts en is ongeveer 85% van die mielie-oes per trein
vervoer. Dit het teen 2014 egter tot slegs sowat 15%
afgeneem as gevolg van ’n grootskaalse toename
in padvervoer.
• Die Mielieraad het ’n skakelrol gespeel deur te verse-
ker dat finansiering beskikbaar was sodat produsente
onmiddellik met lewering vir hulle graan betaal en die
Raad se agente vir hulle dienste vergoed kon word.
In tye waar verliese op uitvoere opgeloop het, het
die Mielieraad lenings teen staatswaarborge by die
Land Bank of Reserwebank verkry om die verliese
te finansier.
• Die Mielieraad het ook ’n belangrike rol gespeel in
die identifisering van navorsingsbehoeftes in die
mielie- en bokwietbedryf en die ondersteuning van
navorsingsprojekte by verskeie instellings, hoewel
die Mielieraad self nie ’n navorsingsinstansie was nie.
Alle nuwe mieliekultivars is eers getoets voordat dit
vrygestel is, veral vir hardheid en maalkwaliteit.
• Die Mielieraad het gedien as ’n skakel in kommuni-
kasie tussen verskillende rolspelers in die industrie,
asook in onderhandelings met ander ekonomiese
sektore en die Staat.
• As die enigste uitvoerder van mielies en bokwiet het
die Mielieraad ’n kardinale rol gespeel in die ontgin-
ning van uitvoermarkte. Dit is deur die Uitvoerkomitee
van die Raad hanteer, wat bepaal het hoeveel mielies
vir uitvoer beskikbaar was, ’n uitvoerprogram opge-
stel het waarvolgens dit bestuur is, die logistieke en
finansiering daarvoor bestuur het, en verskansing
op die
Chicago Board of Trade
gedoen het wanneer
wêreldmarkte gunstig was.
• Vanaf ongeveer 1974 het die Mielieraad die destydse
onafhanklike state (Transkei, Bophuthatswana, Ciskei
en Venda, sowel as die selfregerende gebied van
Lebowa) bygestaan met die ontwikkeling van hulle
landbou-bemarkingstelsels.
• In 1963 het die Mielieraad ’n publisiteitskomitee gestig
ten einde die bevordering van die mark en die Raad
se openbare verhoudingeprogram te bestuur. Hierdie
komitee het uit die staanspoor ’n besliste bydrae tot
sistematiese promosie en bemarkingsaksies vir die
mieliebedryf gelewer.