10 / 84
Junie 2018
8
Terugblik
Graan SA/Grain SA
Stewige NAMPO-bywoning
wys landbouers hét nog hoop
SA GRAAN/GRAIN
REDAKSIESPAN
‘n
Nuwe rekord bywoningsyfer is tydens NAMPO 2018 be-
haal en die terugvoer van uitstallers dat hulle oorwegend
uitstekende besigheid gedoen het, spreek van die land-
bousektor se optimisme ten spyte van al die onsekerhede
wat die Suid-Afrikaanse produsente in die gesig staar.
Dit is die mening van mnr Jannie de Villiers (uitvoerende hoofbe
stuurder van Graan SA), na afloop van die organisasie se 52ste
NAMPO Oesdag, wat suksesvol gedurende Meimaand aangebied
is. Volgens die kaartjieverkope het 82 817 besoekers deur die hekke
gestroom om die 746 uitstallers te besoek en die familie-atmosfeer
en plaasgasvryheid wat so eie aan die Oesdag is, saam te kom ge-
niet. NAMPO Park se privaat vliegveld het 361 ligte vliegtuie en he-
likopters – wat ‘n verskeidenheid van besoekers daar besorg het
– met gemak hanteer.
“Die groeiende belangstelling in die NAMPO Oesdag is bemoedi-
gend en dit bewys dat landbou nog lewendig en aan die gang is. Aan
elke uitstaller, besoeker en personeellid, baie dankie dat julle die
geleentheid saam met ons kom geniet het en saam kom skryf het aan
die NAMPO-storie. ‘n Persoonlike hoogtepunt van elke NAMPO is
om verskeie mense te ontmoet, met hulle te gesels en verhoudinge
te bou. Daardie verhoudinge vestig die hoop waarop landbou
gebou is.
“Dit is ook opmerklik dat die aantal nie-landboubesoekers en getal
mediaverteenwoordigers van buite die landboumedia toegeneem
het. Uit formele en informele gesprekke is dit duidelik dat hulle
ook NAMPO toe kom omdat dit vir hulle lekker is. Die groeiende be
langstelling van swart produsente in die skou is ook vir Graan SA
‘n definitiewe pluspunt,” het De Villiers gesê.
Buitelandse uitstallers se belangstelling in NAMPO as ‘n platform
om die res van Afrika te bereik, duur voort. Nagenoeg 76 interna-
sionale uitstallers is gehuisves in agt buitelandse pawiljoene – wat
elk ten minste agt uitstallers van hul land deel van hul uitstallings
gemaak het. Verteenwoordigers van Israel, Pole, Engeland, Amerika,
Argentinië, Indië, Frankryk, Italië, Denemarke, China, Turkye en
Rusland het aan die Oesdag deelgeneem.
Graan SA poog deurlopend om NAMPO se uitsluitlike fokus op
landbou te behou. Die seleksie van uitstallers en die items op die
program word getrou hiervolgens gerig. Vanjaar het die
Nasie in
Gesprek
-forum ‘n sterk bydrae tot die gronddebat gelewer. In pas
met die 30ste jaar wat die Boerepatentekompetisie aangebied is, het
Graan SA en Omnia die tydskrif,
Landbouweekblad
, as bykomende
vennoot verwelkom.
Die swak toestand van verskeie openbare paaie in die omgewing
van NAMPO Park is kommerwekkend. Dit plaas geweldige druk op
sekere roetes en kortwiek die bestendige vloei na en van die skou-
terrein.
Die breë landboufamilie van die Wes-Kaap kan uitsien na
NAMPO Kaap – wat van 12 tot 14 September 2018 op Bredasdorp in
die Wes-Kaap in samewerking met Graan SA aangebied word. Dié
handels- en vee-ekspo is daarop gemik om ‘n basis te skep as land-
bou-inligtingsverskaffer, markplek, netwerkgeleentheid en byme-
kaarkomplek vir almal wat ‘n belang by landbou in die streek het.
Inligting oor NAMPO Kaap is beskikbaar op die
www.nampo.co.za
webtuiste.
Aanstaande jaar se NAMPO Oesdag is geskeduleer vir 14 tot 17 Mei.